കുമാരനല്ലൂര്: പിക് അപ് വാനിന്റെ വാതില് തട്ടി മറിഞ്ഞ് വീണ് സ്കൂട്ടര് യാത്രികന് ദാരുണാന്ത്യം. കുമാരനല്ലൂര് പൗര്ണ്ണമിയില് ഉണ്ണികൃഷ്ണന് (55) ആണ് മരിച്ചത്. ഇന്നലെ ഉച്ചകഴിഞ്ഞ് 3.30 നോടു കൂടി ചവിട്ടുവരിക്കും കുമാരനല്ലൂര് മേല്പാലത്തിനും ഇടയില് ഹരിതാ ഹോംസിനു സമീപമായിരുന്നു അപകടം.
കോട്ടയത്തുനിന്നും തിരികെ കുമാരനല്ലൂരിലുള്ള വീട്ടിലേയ്ക്ക് സ്കൂട്ടറില് വരികയായിരുന്നു. ഈ സമയം വഴിയരികില് പാര്ക്കു ചെയ്തിരുന്ന കെഎല് 60 എം 4139 രജിസ്ട്രേഷന് നമ്പരിലുള്ള പിക് അപ് വാനിന്റെ വാതില് തുറക്കുകയും തലയിടിച്ച് ഉണ്ണികൃഷ്ണന് റോഡില് തെറിച്ചു വീഴുകയുമായിരുന്നു.
ഓടിക്കൂടിയ നാട്ടുകാര് ഉടനെ മെഡിക്കല് കോളേജിലെ അത്യാഹിത വിഭാഗത്തില് എത്തിച്ചുവെങ്കിലും 5.30 ഓടെ മരണം സംഭവിച്ചു. മൃതദേഹം മെഡിക്കല് കോളേജ് മോര്ച്ചറിയില്. സംസ്കാരം ഇന്ന് ഉച്ചയ്ക്കുശേഷം. ഭാര്യ: അനിത. മക്കള്: അഞ്ജലി (ഇന്ഫോ പാര്ക്ക്). അജില് കൃഷ്ണന്.
