അരൂര്: ചന്തിരൂര് കുമര്ത്തുപടി ക്ഷേത്രത്തില് മോഷണം. മോഷ്ടാവിന്റെ ദൃശ്യം സിസി ക്യാമറയില് കുടുങ്ങി. ഒരു മാസത്തിനുള്ളില് മൂന്നാമത്തെ തവണയാണ് ഇവിടെ മോഷണം നടക്കുന്നത്. ചൊവ്വാഴ്ച രാത്രി പന്ത്രണ്ട് മണിയോടടുത്ത സമയത്താണ് മോഷണം. മോഷ്ടാവ് ഒരു മണിക്കൂര് ഓഫീസ് മുറിയില് ചെലവഴിച്ചു. ബുധനാഴ്ച രാവിലെ ആറിന് സെക്രട്ടറി ഓഫീസ് തുറക്കുന്നതിനായി എത്തിയപ്പോഴാണ് വിവരം അറിയുന്നത്.
ഓഫിസ് മുറിയുടെ പിന്ഭാഗത്തുള്ള മതിലു ചാടി കടന്ന് ജനല് കമ്പി അറുത്ത് മുറിച്ചാണ് അകത്തു കടന്നത്.അരൂര് പൊലീസ് സ്ഥലം പരിശോധിച്ചു. ഓഫീസ് മുറിയിലെ രണ്ട് മേശയുടെതായി നാലു വലിപ്പുകളും പുറത്തുള്ള വഴിപാട് കൗണ്ടറിന്റെ മേശയുടെ മൂന്ന് വലിപ്പുകളും പൊളിച്ച് പരിശോധിച്ചിട്ടുണ്ട്. പതിനായിരം രൂപ കവര്ന്നതായി സെക്രട്ടറി അറിയിച്ചു. ഇക്കഴിഞ്ഞ പന്ത്രണ്ടിനായിരുന്നു ഇവിടത്തെ ഉത്സവം. ഉത്സവം കഴിഞ്ഞ തിനാല് പണം ഉണ്ടാകുമെന്ന് കരുതിയാണ് മോഷണം നടത്തിയത്.
