ചവറ: ചെറുകോല്‍പ്പുഴ ഹിന്ദുമത പരിഷത് വേദിയില്‍ സ്ഥാപിക്കാനുള്ള വിദ്യാധിരാജ ജ്യോതിപ്രയാണ ഘോഷയാത്ര ചട്ടമ്പിസ്വാമികളുടെ സമാധി മണ്ഡപമായ പന്മന ആശ്രമത്തില്‍ നിന്നും നാളെ ആരംഭിക്കും. മഠാധിപതി പ്രണവാനന്ദ തീര്‍ഥപാദസ്വാമിയില്‍ നിന്നും വൈകിട്ട് 5ന് ഹിന്ദുമത മഹാമണ്ഡലം പ്രസിഡന്റ് പി.എസ്. നായര്‍ ജ്യോതി ഏറ്റുവാങ്ങും.
ജ്യോതിയും വഹിച്ചുകൊണ്ടുള്ള ഘോഷയാത്രയ്‌ക്ക് സ്വീകരണങ്ങള്‍ കോവിഡ് കാരണം പൂര്‍ണ്ണമായി ഒഴിവാക്കിയതായി ഹിന്ദുമത മഹാമണ്ഡലം സെക്രട്ടറി എ.ആര്‍ വിക്രമന്‍ പിള്ളയും ജ്യോതി പ്രയാണ കമ്മിറ്റി ജനറല്‍ കണ്‍വീനര്‍ ജി.കൃഷ്ണകുമാറും അറിയിച്ചു.
