കൊല്ലം: യുവമോര്‍ച്ച കൊല്ലം മണ്ഡലം കമ്മിറ്റിയുടെ നേതൃത്വത്തില്‍ ജില്ലാ എംപ്ലോയ്‌മെന്റ് ഓഫീസിനുമുന്നില്‍ ഉപരോധസമരം സംഘടിപ്പിച്ചു. മണ്ഡലം പ്രസിഡന്റ് പ്രണവ് താമരക്കുളം അധ്യക്ഷനായി. ജില്ലാ കമ്മിറ്റി അംഗം നിഖില്‍ തൃക്കരുവ ഉദ്ഘാടനം ചെയ്തു.
കൊല്ലം എംപ്ലോയ്‌മെന്റ് എക്‌സ്‌ചേഞ്ച് ഓഫീസ് സാധാരണപ്പെട്ട ഉദ്യോഗാര്‍ഥികളെ വഞ്ചിക്കുകയും സിപിഎം-കോണ്‍ഗ്രസ് രാഷ്‌ട്രീയചായ്വുള്ള ഉദ്യോഗസ്ഥരുടെ താല്‍പര്യത്തിനനുസരിച്ചാണ് നിയമനമെന്നും അദ്ദേഹം പറഞ്ഞു.
മണ്ഡലം ജനറല്‍ സെക്രട്ടറി ബിനോയി മാത്യുസ്, മണ്ഡലം സെക്രട്ടറി അനന്ദു, സൂരജ് കണ്ടച്ചിറ, കൃഷ്ണകാന്ത്, വിഷ്ണു, മഹേഷ് എന്നിവര്‍ സംസാരിച്ചു.
