തൊടുപുഴ: മുഖ്യമന്ത്രിയുടെ പിണറായി വിജയന് പങ്കെടുത്ത പരിപാടിയില് ക്ഷണിക്കാതെ എത്തിയ കെപിസിസി അംഗത്തെ അറസ്റ്റു ചെയ്തുനീക്കി. കെ പി സി സി അംഗം സി.പി മാത്യുവാണ് അറസ്റ്റിലായത്. കേരള പര്യടനത്തിന്റെ ഭാഗമായാണ് മുഖ്യമന്ത്രി തൊടുപുഴയിലെത്തിയത്. തൊടുപുഴയിലെ സ്വകാര്യ റിസോര്ട്ടിലായിരുന്നു പരിപാടി. ക്ഷണിക്കപ്പെട്ട പ്രതിനിധികള്ക്ക് മാത്രമായിരുന്നു പരിപാടിയില് പ്രവേശനം. ഇതിനിടെ കെപിസിസി അംഗം റിസോര്ട്ടില് എത്തി മാധ്യമങ്ങളോട് സംസാരിക്കാന് ശ്രമിച്ചു.
ഉടന് പൊലീസ് എത്തി തൂക്കിയെടുത്ത് നീക്കുകയായിരുന്നു. അനുവാദമില്ലാതെ മുഖ്യമന്ത്രിയുടെ പരിപാടിയില് പങ്കെടുത്തതിനാലാണ് നടപടിയെന്ന് പൊലീസ് അറിയിച്ചു. എന്നാല് താന് മുഖ്യമന്ത്രിയെ നേരില് കണ്ടു ഇടുക്കിയിലെ പ്രശ്നങ്ങള് ബോധ്യപ്പെടുത്താന് പോയതാണെന്ന് സി പി മാത്യു പറഞ്ഞു.
