കാസര്കോട്: കാറില് കടത്തുകയായിരുന്ന രണ്ടു കോടി രൂപ വിലമതിക്കുന്ന നാല് കിലോ സ്വര്ണവുമായി രണ്ട് ബെല്ഗാം സ്വദേശികളെ കസ്റ്റംസ് അധികൃതര് പിടികൂടി. കര്ണാടക ബെല്ഗാം സഹപൂര് സ്വദേശികളായ തുഷാര് (27), ജ്യോതി റാം (23) എന്നിവരെയാണ് കസ്റ്റംസ് കസ്റ്റഡിയിലെടുത്തത്. ഇന്നലെ ഉച്ചയ്ക്ക് പതിനൊന്നരയോടെ പള്ളിക്കര ടോള് ഗേറ്റിന് സമീപം വച്ചാണ് കാര് തടഞ്ഞ് കസ്റ്റംസ് സംഘം ഇവരെ പിടികൂടിയത്.
കസ്റ്റംസ് കണ്ണൂര് അസി. കമ്മീഷണര് ഇ.വി. വികാസിന് ലഭിച്ച രഹസ്യവിവരത്തെ തുടര്ന്ന് കാസര്കോട് കസ്റ്റംസ് സൂപ്രണ്ട് പി.പി. രാജീവിന്റെ നേതൃത്വത്തിലാണ് കാറിന്റെ പിന്സീറ്റിലെ രഹസ്യ അറയില് സൂക്ഷിച്ചിരുന്ന സ്വര്ണം പിടികൂടിയത്.
