കൊച്ചി; ഡോളര്ക്കടത്ത് കേസില് ചോദ്യം ചെയ്യലിന് ഹാജരായെങ്കിലും സ്പീക്കര് പി.ശ്രീരാമകൃഷ്ണന്റെ അസിസ്റ്റന്റ് പ്രൈവറ്റ് സെക്രട്ടറി കെ. അയ്യപ്പന് വേണ്ടതുപോലെ ഉള്ളുതുറന്നിട്ടില്ലെന്ന് കസ്റ്റംസിന് സംശയം.
ഇക്കാര്യത്തില് അയ്യപ്പന് നിര്ണ്ണായക വിവരങ്ങള് പലതും മറച്ചുവെച്ചുവെന്നും കരുതന്നു. മൊബൈല് ഫോണ്വരെ മാറ്റിവെപ്പിച്ചതിന് ശേഷമാണ് കസ്റ്റംസ് അയ്യപ്പനെ ചോദ്യം ചെയ്തത്. ഈ സംശയത്തിന്റെ അടിസ്ഥാനത്തില് അയ്യപ്പനെതിരെ കൂടുതല് അന്വേഷിക്കാന് കസ്റ്റംസ് തീരുമാനിച്ചിരിക്കുകയാണ്.
ഇതിനിടെ സെക്രട്ടേറിയറ്റിലെ ഇടതുസംഘടന കസ്റ്റംസിനെതിരെ നടത്തിയ ഭീഷണിപ്രസ്താവനയുമായില് അയ്യപ്പന് ബന്ധമുണ്ടോ എന്നും സംശയിക്കപ്പെടുന്നുണ്ട്. അസിസ്റ്റന്റ് പ്രൊട്ടോക്കോള് ഓഫീസറെ ചോദ്യം ചെയ്യലിനിടയില് ഭീഷണിപ്പെടുത്തി എന്ന ആരോപണമാണ് സെക്രട്ടേറിയറ്റിലെ ഇടതുസംഘടന കസ്റ്റംസിലെ ഉദ്യോഗസ്ഥനായ ലാലുവിനെതിരെ ഉയര്ത്തിയത്. വേണ്ടിവന്നാല് കൈവെട്ടുമെന്ന ഭീഷണിസ്വരവും ഈ പ്രസ്താവനയിലുണ്ട്. ഇത്തരമൊരു പ്രസ്തവന ഇറക്കിയതിന്റെ പിന്നിലെ പ്രേരണ എന്താണെന്ന് കസ്റ്റംസ് വിശദമായി അന്വേഷിക്കും.ഇതിന്റെ പിന്നിലെ കരങ്ങള് അയ്യപ്പന്റേതാണോ എന്നും പരിശോധിക്കുന്നുണ്ട്.
