തിരുവനന്തപുരം: ലഹരിക്കെതിരെ പൊതു സമൂഹത്തിന് വലിയൊരു സന്ദേശം നല്കിയ ‘മഞ്ഞ്’ എന്ന ഷോര്ട്ട് ഫിലിമിന് ആറ് പുരസ്ക്കാരങ്ങള്. മികച്ച സിനിമ, സംവിധായകന്, കഥാകൃത്ത്, ഛായാഗ്രാഹകന്, ബാലതാരം, സഹനടന് തുടങ്ങിയവയാണ് എസ്.പി ബാലസുബ്രഹ്മണ്യം-കലാനിധി അവാര്ഡിലൂടെ ‘മഞ്ഞ്’ കരസ്ഥമാക്കിയത്.
27 ചിത്രങ്ങള് മാറ്റുരച്ച ഷോര്ട്ട് ഫിലിം ഫെസ്റ്റിവലില് മികച്ച സിനിമയ്ക്കുള്ള പുരസ്കാരം നിര്മ്മാതാവ് ആനന്ദ് കണ്ണശയ്ക്ക് ലഭിച്ചു. മഞ്ഞിന് ലഭിച്ച മറ്റ് പുരസ്കാരങ്ങള്, സംവിധായകന്: ഗിരീഷ് കെ.നായര്, കഥാകൃത്ത്: ശിവാകൈലാസ് (ലേഖകന്, ജന്മഭൂമി), സഹനടന് രവി കാട്ടാക്കട, ഛായാഗ്രാഹകന്: സജീം പൂവച്ചല്, ബാലതാരം: വിപഞ്ചിക ശ്രീജിത്ത്.
മികച്ച നടന് ഇരുകാലി എന്ന ചിത്രത്തിലെ അഭിനയത്തിന് അനില് ശങ്കരവും, ഭ്രാന്തം എന്ന ചിത്രത്തിലെ അഭിനയത്തിന് എയ്ച്ചല് എം.അനില് മികച്ച നടിക്കുള്ള അവാര്ഡിനും അര്ഹയായി. 14ന് ആറ്റുകാല് ചൈതന്യ ആഡിറ്റോറിയത്തില് മന്ത്രി തിലോത്തമന് അവാര്ഡുകള് സമ്മാനിക്കുമെന്ന് കലാനിധി ചെയര്പേഴ്സണ് ഗീതാ രാജേന്ദ്രന്, ജഡ്ജിംഗ് കമ്മറ്റി അംഗം അയിലം ഉണ്ണികൃഷ്ണന് എന്നിവര് വാര്ത്താ സമ്മേളനത്തില് അറിയിച്ചു.
