വൈക്കം: സംഘ ശതാബ്ദിയോടനുബന്ധിച്ച് വൈക്കം സംഘ ജില്ലയിൽ വൈചാരിക സദസ്സ് സംഘടിപ്പിച്ചു. വൈക്കം ഹെറിറ്റേജ് പ്ലാസയിൽ നടന്ന ചടങ്ങിൽ 72-ാമത് ദേശീയ ചലച്ചിത്ര പുരസ്കാര ജേതാവായ പ്രശസ്ത ഗായിക വൈക്കം വിജയലക്ഷ്മിയെ ആദരിച്ചു. ഡി.ബി. കോളേജ് തലയോലപ്പറമ്പ് റിട്ടയേർഡ് എച്ച്.ഒ.ഡി പ്രൊഫ. ഡോ. ജയപാൽ ആർ. പരിപാടിയിൽ അധ്യക്ഷത വഹിച്ചു.
‘സംഘത്തിന്റെ വൈചാരിക അടിത്തറ’ എന്ന വിഷയത്തിൽ ദക്ഷിണ ക്ഷേത്ര പ്രചാരക് പ്രമുഖ് വി. ഉണ്ണികൃഷ്ണൻ മുഖ്യപ്രഭാഷണം നടത്തി. ഹിന്ദുസ്ഥാനിൽ ജനിച്ചവരെല്ലാം ഹിന്ദുക്കളാണെന്നും, മതം ഈശ്വരനിലേക്ക് എത്താനുള്ള ഒരു മാർഗ്ഗം മാത്രമാണെന്നും അദ്ദേഹം പറഞ്ഞു.സംഘം ശതാബ്ദിയിൽ മുന്നോട്ടുവെക്കുന്ന പഞ്ചപരിവർത്തനം എന്ന ആശയം വിഭാഗ് വിദ്യാർത്ഥി പ്രമുഖും ഉന്നത വിദ്യാഭ്യാസ അദ്ധ്യാപക സംഘം സംസ്ഥാന സെക്രട്ടറിയുമായ പി. ഗോപീകൃഷ്ണൻ വിശദീകരിച്ചു.
സമൂഹത്തിന്റെ വിവിധ മേഖലകളിലുള്ള പൗരപ്രമുഖർ ചടങ്ങിൽ പങ്കെടുത്തു.
