കാസര്കോഡ് : കാഞ്ഞങ്ങാട് പാണത്തൂരില് ടൂറിസ്റ്റ് ബസ് നിയന്ത്രണംവിട്ട് മറിഞ്ഞ് അഞ്ച് മരണം. മരിച്ചവരില് കുട്ടുകളും ഉള്പ്പെടും. നിരവധി പേര്ക്ക് പരിക്ക്, ഇതില് 16 പേരുടെ നില അതീവ ഗുരുതരമാണ്.
12.30ഓടെയാണ് അപകടമുണ്ടായത്. കര്ണാകയിലെ സുള്ള്യയില് നിന്നും പാണത്തൂരിലേക്ക് കല്ല്യാണ പാര്ട്ടിയുമായി വന്ന ബസ് കുത്തനെയുള്ള ഇറക്കത്തില് നിയന്ത്രണം നഷ്ടപ്പെട്ട് മറിയുകയായിരുന്നു. ബസില് 56 പേരുണ്ടായിരുന്നുവെന്നാണ് വിവരം. അപകടസ്ഥലത്ത് നിന്നും അബോധാവസ്ഥയില് രണ്ട് കുട്ടികളെ കാഞ്ഞങ്ങാട് ജില്ലാ ആശുപത്രിയില് എത്തിച്ചിട്ടുണ്ട്. പരിക്കേറ്റ നിരവധി പേരെ കര്ണാടകയിലെ വിവിധ ആശുപത്രികളിലും പ്രവേശിപ്പിച്ചിട്ടുണ്ട്.
