ന്യൂദല്ഹി: കാറിലെ മുന്സീറ്റില് യാത്ര ചെയ്യുന്നവര്ക്ക് എയര് ബാഗ് നിര്ബന്ധമാക്കുന്നു. ഡ്രൈവര് ഉള്പ്പെടെയുള്ള യാത്രക്കാര്ക്കായിരിക്കും ഇത് ബാധകം. ബിഐഎസ് നിലവാരത്തിലുള്ളതായിരിക്കണം എയര് ബാഗെന്ന് കേന്ദ്ര ഉപരിതല ഗതാഗത മന്ത്രാലയത്തിന്റെ കരട് നിര്ദേശത്തില് പറയുന്നു.
പുതിയ മോഡല് കാറുകള്ക്ക് അടുത്തവര്ഷം ഏപ്രില് മുതലാകും എയര്ബാഗ് നിര്ബന്ധമാക്കുക. നിലവിലുള്ള മോഡലുകള് ജൂണ് ഒന്നു മുതല് എയര് ബഗോടുകൂടി നിര്മിക്കണം. ഒരുമാസത്തിനുള്ളില് ബന്ധപ്പെട്ട എല്ലാവര്ക്കും കരടുനിര്ദേശത്തില് പ്രതികരണം അറിയിക്കാം. കഴിഞ്ഞവര്ഷം ജൂലൈ മുതല് ഡ്രൈവര്ക്ക് എയര് ബാഗ് നിര്ബന്ധമാക്കിയിരുന്നു.
