വൈക്കം : മലയാളത്തിന്റെ പ്രിയഗായിക വൈക്കം വിജയലക്ഷ്മിക്ക് കാഴ്ച തിരിച്ചു കിട്ടും. യൂട്യൂബ് ചാനലിന് നല്‍കിയ അഭിമുഖത്തില്‍ ഗായികയുടെ കുടുംബം തന്നെയാണ് ഇക്കാര്യം സ്ഥിരീകരിച്ചിരിക്കുന്നത്. അമേരിക്കയിലാണ് വിജയലക്ഷ്മിക്കായുള്ള ചികിത്സ ഇപ്പോള്‍ നടത്തുന്നത്.
ഞരമ്പിന്റെ പ്രശ്‌നത്തിനാണ് ഇപ്പോള്‍ ഗുളിക കഴിച്ചുകൊണ്ടിരിക്കുന്നത്. ചികിത്സയെ തുടര്‍ന്ന് മാറ്റം വന്നിട്ടുണ്ടെന്നാണ് ഡോക്ടര്‍മാര്‍ പറയുന്നതെന്നും വിജയലക്ഷ്മിയുടെ പിതാവ് അറിയിച്ചു.
ചികിത്സയ്‌ക്കായി സ്‌കാന്‍ ആദ്യത്തെ സ്‌കാന്‍ റിപ്പോര്‍ട്ട് അയച്ചു. രണ്ടാമത്തേത് അയയ്‌ക്കാന്‍ കൊറോണമൂലം സാധിച്ചിട്ടില്ല. യുഎസിലെ സ്‌പോണ്‍സര്‍മാരാണ് അവിടെ ചികിത്സയ്‌ക്കായുള്ള എല്ലാ സൗകര്യങ്ങളും ചെയ്തു നല്‍കുന്നതെന്നും വിജയലക്ഷ്മിയുടെ മാതാപിതാക്കള്‍ കൂട്ടിച്ചേര്‍ത്തു.
