ദമ്പതികള്‍ക്ക് മിന്നുന്ന വിജയം

കാഞ്ഞങ്ങാട്: ഇത്തവണ കാഞ്ഞങ്ങാട് നഗരസഭയില്‍ മിന്നുന്ന വിജയവുമായി ദമ്പതികള്‍. നഗരസഭയിലെ 13-ാം വാര്‍ഡില്‍ എന്‍ഡിഎ സ്ഥാനാര്‍ഥിയായി മത്സരിച്ച ബിജെപി ജില്ലാ വൈസ് പ്രസിഡണ്ട് എം.ബല്‍രാജും 14ാംവാര്‍ഡില്‍ എന്‍ഡിഎ സ്വതന്ത്ര സ്ഥാനാര്‍ത്ഥിയായ ഭാര്യ വന്ദനറാവുവുമാണ് വിജയിച്ചത്. 

എന്‍ജിഒ ക്വാര്‍ട്ടേഴ്‌സ് ഉള്‍പ്പെടുന്നതാണ് 13-ാം വാര്‍ഡ്. ഹൊസ്ദുര്‍ഗ് ടൗണ്‍ ഉള്‍പ്പെടുന്നതാണ് 14ാം വാര്‍ഡ്. ബല്‍രാജ് 216 വോട്ടിന്റെയും വന്ദനറാവു 43 വോട്ടിന്റെയും ഭൂരിപക്ഷത്തിനാണ് വിജയം കൈവരിച്ചത്. 13ാം വാര്‍ഡില്‍ യുഡിഎഫ് സ്ഥാനാര്‍ത്ഥിയായ കോണ്‍ഗ്രസിലെ എം. കുഞ്ഞികൃഷ്ണനെയാണ് ബല്‍രാജ് പരാജയപ്പെടുത്തിയത്. 

ബല്‍രാജിന് 491 വോട്ടും കുഞ്ഞികൃഷ്ണന് 275 വോട്ടും ലഭിച്ചു. എല്‍ഡിഎഫിലെ ജയപ്രകാശിന് 151 വോട്ടാണ് കിട്ടിയത്. 14ാം വാര്‍ഡില്‍ വന്ദനറാവുവിന് 316 വോട്ടും യുഡിഎഫ് സ്ഥാനാര്‍ത്ഥി കോണ്‍ഗ്രസിലെ തസ്‌റീനക്ക് 273 വോട്ടും ലഭിച്ചു. എല്‍ഡിഎഫ് സ്വതന്ത്രയായി മത്സരിച്ച മുന്‍ നഗരസഭാ ചെയര്‍പേഴ്‌സണ്‍ ടി.വി. ശൈലജക്ക് 99 വോട്ടാണ് കിട്ടിയത്.