കണ്ണൂര് : എം.വി. ജയരാജന് പാര്ട്ടിക്ക് തന്നെ ഭാരമായ നേതാവാണെന്ന് രൂക്ഷ വിമര്ശനവുമായി കെ. സുധാകരന് എംപി. ജനഹിതത്തെ കള്ളവോട്ടുകൊണ്ട് മറികടക്കാന് സാധിക്കില്ല. മാധ്യമപ്രവര്ത്തകരോട് സംസാരിക്കവേയാണ് ഇക്കാര്യം അറിയിച്ചത്.
കണ്ണൂരില് തെരഞ്ഞെടുപ്പുമായി ബന്ധപ്പെട്ടുണ്ടായ ആക്രമ സംഭവങ്ങളില് നിരവധി പേര്ക്ക് പരിക്കേറ്റിട്ടുണ്ട്. ഇതില് പരാതി നല്കിയിട്ടും പോലീസ് ഇടപെടല് ഉണ്ടായിട്ടില്ല. ബൂത്തുകള്ക്ക് പോലും സംരക്ഷണം നല്കാന് പോലീസ് തയ്യാറായിട്ടില്ല. ഉദ്യോഗസ്ഥര് നിഷ്ക്രിയരായിരുന്നു. കള്ളവോട്ട് തടയാന് ബൂത്തുകളുടെ ചുമതലയുള്ള ഉദ്യോഗസ്ഥര്ക്ക് സാധിച്ചിട്ടില്ല.
അര്ഹതപ്പെട്ട ആളുകളില് പലര്ക്കും വോട്ട് ചെയ്യാന് സാധിച്ചിച്ചിട്ടില്ല. ക്യൂവില്ക്കുന്നവരെക്കൊണ്ട് ഓപ്പണ് വോട്ടുകള് ചെയ്യിപ്പിച്ചെന്നും കെ. സുധാകരന് കൂട്ടിച്ചേര്ത്തു.
