ചെന്നൈ: തമിഴ് സൂപ്പര്താരം രജനികാന്തിന് ഇന്ന് എഴുപതാം പിറന്നാള്. പ്രധാനമന്ത്രി നരേന്ദ്രമോദി താരത്തിന് ജന്മദിനാശംസകള് നേര്ന്നു. ‘പ്രിയപ്പെട്ട രജനികാന്ത് ജി, സന്തോഷകരമായ ജന്മദിനം താങ്കള്ക്ക് നേരുന്നു. നീണ്ട, ആരോഗ്യകരമായ ഒരു ജീവിതം നയിക്കാനാകട്ടെ’- പ്രധാനമന്ത്രി ട്വീറ്റ് ചെയ്തു.
തമിഴ്നാട് ഉപമുഖ്യമന്ത്രി ഒ പനീര്ശെല്വവും താരത്തിന് പിറന്നാള് ആശംസകള് നേര്ന്നു. രാവിലെ രജനിയുടെ ചൈന്നെയിലുള്ള വസതിക്കു മുന്നിൽ ബാനറുകള് ഉയര്ത്തിയും താരത്തിന്റെ ചിത്രമുള്ള ടീ ഷര്ട്ടുകള് ധിരിച്ചും നിരവധി ആരാധകരാണ് തടിച്ചുകൂടിയത്.
ഡിസംബര് 31ന് പുതിയ രാഷ്ട്രീയ പര്ട്ടി പ്രഖ്യാപിക്കാന് തയ്യാറെടുക്കുന്നതിനിടെയാണ് രജനികാന്ത് എഴുപതാം പിറന്നാല് ആഘോഷിക്കുന്നത്. അടുത്തവര്ഷം നടക്കുന്ന തമിഴ്നാട് നിയമസഭാ തെരഞ്ഞെടുപ്പില് മത്സരിക്കുമെന്നും ഇതിനോടകം വ്യക്തമാക്കിയിട്ടുണ്ട്. ദിവസങ്ങള്ക്കുമുമ്പാണ് രാഷ്ട്രീയ പാര്ട്ടി പ്രഖ്യാപന തീയതിയെക്കുറിച്ച് സ്റ്റൈല് മന്നന് അറിയിച്ചത്.
