പുത്തൂര്: പ്രവാസിയുടെ കൃഷിയിടത്തിലെ കരിമീനുകള് കൂട്ടത്തോടെ ചത്തുപൊങ്ങിയ നിലയില്. പവിത്രേശ്വരം മാധവശേരി അനന്ദു വിഹാറില് മോഹനന്റെ ഉടമസ്ഥതയിലുള്ള മത്സ്യക്കൃഷിയിടത്തിലെ കരിമീനുകളെയാണ് ചത്ത നിലയില് കണ്ടെത്തിയത്. കുളത്തില് സാമൂഹ്യവിരുദ്ധര് വിഷം കലര്ത്തിയതാണെന്ന് സംശയിക്കുന്നതായി ഉടമ പോലീസിന് നല്കിയ പരാതിയില് പറയുന്നു.
കഴിഞ്ഞ ദിവസം രാവിലെ മത്സ്യങ്ങള്ക്ക് തീറ്റനല്കാന് എത്തിയപ്പോഴാണ് മീനുകളെ ചത്ത നിലയില് കണ്ടെത്തിയത്. വിദേശത്ത് നിന്ന് നാട്ടിലെത്തി വാങ്ങിയ 25 സെന്റ് പുരയിടത്തില് അഞ്ച് സെന്റോളം സ്ഥലത്താണ് മോഹനന് മത്സ്യക്കൃഷി നടത്തി വരുന്നത്. പഞ്ചായത്തില്നിന്ന് വളര്ത്താനായി നല്കിയ 100 മത്സ്യക്കുഞ്ഞുങ്ങള് ഉള്പ്പെടെ മുന്നൂറിലേറെ കുഞ്ഞുങ്ങളെയാണ് കുളത്തില് നിക്ഷേപിച്ചിരുന്നത്.
പ്രതികരിക്കാൻ ഇവിടെ എഴുതുക: