കരുനാഗപ്പള്ളി: ഇരുമുന്നണികള്ക്കും ഭീഷണി ഉയര്ത്തി ശക്തമായ പ്രവര്ത്തനം നടത്തുന്ന എന്ഡിഎ സ്ഥാനാര്ഥികളുടെ പ്രചരണാര്ഥം തഴവയില് സ്ഥാപിച്ച പോസ്റ്ററുകളും ബാനറുകളും വ്യാപകമായി നശിപ്പിക്കുന്നു. പോസ്റ്ററുകളിലും ബോര്ഡുകളിലും കരിഓയിലും ചെളിയും ഒഴിച്ച് വികൃതമാക്കുകയും വലിച്ചു കീറി കളയുകയുമാണ് ചെയ്യുന്നത്.
തഴവയില് മുന്വര്ഷങ്ങളെ അപേക്ഷിച്ച് വന് സ്വീകരണമാണ് എന് ഡിഎ സ്ഥാനാര്ഥികള്ക്ക് ലഭിച്ച കൊണ്ടിരിക്കുന്നത്. ഇരുമുന്നണികളുടെയും പല കുത്തക സീറ്റുകളിലും ബിജെപി വലിയ ഭൂരിപക്ഷത്തോടെ വിജയിക്കുമെന്ന് വോട്ടര്മാര് പറയുന്നു. ഇതില് വിറളി പൂണ്ടാണ് രാത്രി ഇരുട്ടിന്റെ മറവില് പോസ്റ്ററുകളും പ്രചാരണസാമഗ്രികളും നശിപ്പിക്കുന്നത്. ഇതിനെതിരെ തെരഞ്ഞെടുപ്പ് കമ്മീഷനു പരാതി നല്കുമെന്ന് ബിജെപി നേതൃത്വം അറിയിച്ചു.
