പാലക്കാട്: വികസനം മുരടിച്ച കേരളത്തില് ഇടതു-വലതു മുന്നണികള്ക്ക് വോട്ട് ചോദിക്കാന് അവകാശമില്ലെന്ന് ബിജെപി മുന് സംസ്ഥാന അധ്യക്ഷന് കുമ്മനം രാജശേഖരന്. ഒറ്റപ്പാലത്ത് ബിജെപി സ്ഥാനാര്ത്ഥി സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
വികസന പദ്ധതികള് നടപ്പാക്കാന് ശ്രമിച്ചത് അഴിമതിക്കും സ്വജനപക്ഷപാതത്തിനും വേണ്ടിയാണ്. കടം മാത്രമാണ് കേരളത്തിന്റെ മുഖമുദ്ര. മദ്യം, ലോട്ടറി എന്നിവ മാത്രമാണ് വരുമാനമാര്ഗം.
പദ്ധതികള് ലഭ്യമാക്കാന് പ്രയാസമില്ലെങ്കിലും പ്രബാല്യത്തില് വരുത്തുന്നതില് തികഞ്ഞ അലംഭാവമാണ് എല്ഡിഎഫ് സര്ക്കാര് കാണിക്കുന്നത്. സിപിഎമ്മിന്റെയു കോണ്ഗ്രസിന്റെയും പ്രത്യയശാസ്ത്രം കാലഹരണപ്പെട്ടു. ഇരുമുന്നണികളിലെയും നേതാക്കള് അഴിമതി കാണിച്ച് ജയിലില് പോകാന് തയാറായി നില്ക്കുകയാണ്.
