ന്യൂദല്‍ഹി : നിയുക്ത യുഎസ് പ്രസിഡന്റ് ജോ ബൈഡന് ഫോണിലൂടെ അഭിനന്ദനം അറിയിച്ച് പ്രധാനമന്ത്രി നരേന്ദ്രമോദി.പ്രസിഡന്റ് തെരഞ്ഞെടുപ്പില്‍ വിജയിച്ചതിന് ആശംസകള്‍ അറിയിച്ച മോദി ലോകത്തിന് തന്നെ കനത്ത പ്രതിസന്ധി ഉയര്‍ത്തുന്ന കൊറോണ വൈറസ് അടക്കം വിവിധ വിഷയങ്ങളില്‍ ആശയ വിനിമയം നടത്തി.
തെരഞ്ഞെടുപ്പ് വിജയത്തില്‍ കമല ഹാരിസിനേയും അദ്ദേഹം അഭിനന്ദിച്ചു. കമല ഹാരിസിന്റെ വിജയം ഇന്ത്യന്‍ സമൂഹത്തിന് തന്നെ അഭിമാനമാണെന്നും അദ്ദേഹം പറഞ്ഞു.
ഇന്ത്യ- യുഎസ് സഹകരണം ശക്തമായി തുടരാന്‍ ഇന്ത്യ പ്രതിജ്ഞാബദ്ധമാണ്. കൊറോണ വൈറസ് രോഗ പ്രതിസന്ധി, കാലാവസ്ഥാ വ്യതിയാനം, മേഖലാതല സഹകരണം തുടങ്ങി നിരവധി വിഷയങ്ങള്‍ ഇരുവരും സംസാരിച്ചതായും പ്രധാനമന്ത്രി ട്വിറ്ററിലൂടെ അറിയിച്ചു.
