കോടഞ്ചേരി: മൂന്ന് മാസമായിട്ടും അമ്മായിക്കാട് തെയ്യപ്പാറ റോഡിലെ തടസ്സം നീക്കാത്തതില് പ്രതിഷേധിച്ച് ബിജെപി പ്രക്ഷോഭത്തിലേക്ക്. കഴിഞ്ഞ ഉരുള്പൊട്ടലില് വലിയ പാറകള് റോഡില് വന്നടിഞ്ഞാണ് ഗതാഗതതടസ്സം രൂപപ്പെട്ടത്. നിലവില് വലിയ വാഹനങ്ങള്ക്ക് പോകാന് കഴിയാത്ത സ്ഥിതിയാണ്. നാട്ടുകാരുടെ ദുരിതം കണ്ടില്ലെന്ന് നടിക്കുന്ന പഞ്ചായത്ത് ഭരണസമിതിക്കെതിരെ പ്രക്ഷോഭത്തിനൊരുങ്ങുകയാണ് ബിജെപി.
സമീപത്തെ കരിങ്കല് ക്വാറിയിലുണ്ടാവുന്ന ഉഗ്രസ്ഫോടനം മൂലമാണ് ഉരുള്പൊട്ടലെന്ന് ബിജെപി കോടഞ്ചേരി പഞ്ചായത്ത് കമ്മറ്റി ആരോപിച്ചു. ക്വാറി പ്രവര്ത്തനം നിര്ത്തിവെക്കണമെന്നും പാറക്കല്ലുകള് പൊട്ടിച്ചു മാറ്റി ഗതാഗതം പുനഃസ്ഥാപിക്കണമെന്നും ബിജെപി ആവശ്യപ്പെട്ടു. എ.കെ. ഷൈജു, സതീഷ് മേലെപ്പുറത്ത്, പ്രേംരാജ് കല്ലുപറമ്പില്, പൊന്നപ്പന് കുളത്തോപ്പിള്ളില്, വിജയരാഘവന് പള്ളിത്താഴെ, വിജയന് ചാമവിളയില്, കെ.എം. മിനിത എന്നിവര് സംസാരിച്ചു.
