ദീപാവലി നാളില്‍ പുതിയ സിനിമയ്ക്ക് തുടക്കം കുറിച്ച് കാര്‍ത്തി. സുല്‍ത്താന് ശേഷം കാര്‍ത്തി നായകനാവുന്ന പുതിയ സിനിമയുടെ പൂജയും റെക്കോര്‍ഡിങ്ങും നടത്തി. ഇരുമ്പു തിരൈ, ഹീറോ എന്നീ സൂപ്പര്‍ ഹിറ്റ് സിനിമകളുടെ സംവിധായകന്‍ പി.എസ്. മിത്രനൊപ്പമാണ് കാര്‍ത്തി ഇത്തവണ കൈകോര്‍ക്കുന്നത്.
ഇനിയും പേരിട്ടിട്ടില്ലാത്ത ഈ സിനിമ പ്രേക്ഷകരും ഏറെ പ്രതീക്ഷയോടെയാണ് കാണുന്നത്. ബ്രഹ്‌മാണ്ഡ ചിത്രമായ ഈ സിനിമ പ്രിന്‍സ് പിക്ച്ചേഴ്സിന്റെ ബാനറില്‍ എസ്. ലക്ഷ്മണ്‍ കുമാറാണ് നിര്‍മിക്കുന്നത്.
ജി.വി. പ്രകാശ് കുമാറാണ് സംഗീത സംവിധായകന്‍. ജോര്‍ജ് .സി .വില്യംസാണ് ഛായാഗ്രാഹകന്‍. ചിത്രത്തിലെ നായിക, മറ്റു അഭിനേതാക്കള്‍ എന്നിവരുടെ പേരുവിവരങ്ങള്‍ ഇതുവരെ പുറത്തുവിട്ടിട്ടില്ല. ഉടന്‍ പ്രഖ്യാപിക്കുമെന്ന് നിര്‍മ്മാതാവ് അറിയിച്ചു.
