പാട്‌ന: ബിഹാറിനെ സേവിക്കാന്‍ നാലാമതും അവസരം നല്‍കിയതില്‍ ജനങ്ങളോട് നന്ദി പറഞ്ഞ് ബിജെപി നേതാവും ബിഹാര്‍ ഉപ മുഖ്യമന്ത്രിയുമായ സുശീല്‍ കുമാര്‍ മോദി. നാലമതും ജനങ്ങള്‍ ദേശീയ ജനാധിപത്യ സഖ്യത്തോടുള്ള വിശ്വാസം പ്രകടിപ്പിച്ചിരിക്കുകയാണ്. അവര്‍ കൃത്യമായ പൂരിപക്ഷം എന്‍ഡിഎയ്‌ക്ക് നല്‍കിയിരിക്കുകയാണെന്നും അദേഹം കൂട്ടിച്ചേര്‍ത്തു.
നിതീഷ് കുമാര്‍ തന്നെ മുഖ്യമന്ത്രി ആകുമെന്ന് ശുശീല്‍ കുമാര്‍ വ്യക്തമാക്കി. നിതീഷ് കുമാറിനെ മുഖ്യമന്ത്രി ആക്കേണ്ടത് ബിജെപിയുടെ കടമയാണ്. ഇത് അസാധാരണമാണ്. ജനങ്ങള്‍ വിശ്വാസത്തോടെ നാലാം വട്ടവും ഒരു മുഖ്യമന്ത്രിയെ തെരെഞ്ഞെടുത്തിട്ടുള്ള അപൂര്‍വം സന്ദര്‍ഭങ്ങളേ ഉണ്ടായിട്ടുള്ളുവെന്നും നിതീഷിനെ പ്രകീര്‍ത്തിച്ചുകൊണ്ട് ശുശീല്‍ കുമാര്‍ മോദി പറഞ്ഞു.
ദേശീയ ജനാധിപത്യ സഖ്യത്തിന് ഭൂരിപക്ഷം ലഭിച്ചാല്‍ നിതീഷ് കുമാര്‍ തന്നെ മുഖ്യമന്ത്രിയാകുമെന്ന് ബിജെപി അധ്യക്ഷന്‍ ജെപി നദ്ദ തെരെഞ്ഞെടുപ്പിന് മുമ്പേ വ്യക്തമാക്കിയിരുന്നു.
