ന്യൂദല്ഹി: മധ്യപ്രദേശിലെ 28 നിയമസഭാ സീറ്റുകളിലേക്ക് നടന്ന ഉപതെരഞ്ഞെടുപ്പില് 19 ഇടത്തും വിജയിച്ചതിനു പിന്നാലെ ഭാര്യയെ പ്രകീര്ത്തിച്ച് മുഖ്യമന്ത്രി ശിവരാജ് സിംഗ് ചൗഹന്. ഭാര്യ ‘ശക്തിയും പ്രചോദനവും’ ആണെന്ന് ഇന്നുരാവിലെ അദ്ദേഹം ട്വിറ്ററില് കുറിച്ചു. ”എന്റെ ജീവിതത്തിലെ എല്ലാ വിജയത്തിനു പിന്നിലും താങ്കളാണ്. എന്റെ ശക്തിയുടെയും പ്രചോദനത്തിന്റെയും ഉറവിടം താങ്കളാണ്. താങ്കള് എനിക്കൊപ്പമുണ്ടെങ്കില് എല്ലായ്പ്പോഴും വിജയം കൂടെയുണ്ടാകും”- മുഖ്യമന്ത്രിയുടെ ഹിന്ദി ട്വീറ്റില് പറയുന്നു.
ഉപതെരഞ്ഞെടുപ്പിലുണ്ടായ വിജയത്തില് ശിവ്രാജ് സിംഗ് ചാഹൗനെ അഭിനന്ദിക്കുന്ന ചിത്രം ഭാര്യ സാധ്ന സിംഗ് ചൗഹാന് അതിരാവിലെ ട്വീറ്റ് ചെയ്തിരുന്നു. ഇതിനോട് പ്രതികരിക്കുകയായിരുന്നു അദ്ദേഹം. ബിജെപിയുടെ വിജയത്തില് മുഖ്യമന്ത്രിയെ അഭിനന്ദിച്ച് മധുരം നല്കുന്ന ചിത്രമാണ് സാധ്ന സിംഗ് ചൗഹാന് ട്വിറ്ററില് പങ്കുവച്ചത്. ഈ മാസം മൂന്നിനായിരുന്നു സംസ്ഥാനത്തെ 28 നിയമസഭാ മണ്ഡലങ്ങളിലേക്ക് വോട്ടെടുപ്പ് നടന്നത്.
19 സീറ്റുകള് ബിജെപി നേടിയപ്പോള് എട്ടു സീറ്റുകള്കൊണ്ട് കോണ്ഗ്രസിന് തൃപ്തിപ്പെടേണ്ടിവന്നു. മൂന്നു പേരുടെ നിര്യാണത്തെയും 25 എംഎല്എമാരുടെ രാജിയെയും തുടര്ന്നാണ് ഇവിടങ്ങളില് ഉപതെരഞ്ഞെടുപ്പ് നടന്നത്. വികസനം വിശ്വാസം, സാമൂഹികനീതി, ജനാധിപത്യം എന്നിവയുടെ വിജയമാണ് മധ്യപ്രദേശിലുണ്ടായതെന്ന് ശിവരാജ് സിംഗ് ചൗഹാന് പറഞ്ഞു.
പ്രതികരിക്കാൻ ഇവിടെ എഴുതുക: