ന്യൂദല്ഹി : ഇന്ത്യ- യുഎസ് ബന്ധം കൂടുതല് ഊഷ്മളവും ശക്തവുമായി തുടരുമെന്ന് പ്രധാനമന്ത്രി നരേന്ദ്രമോദി. 46ാമത് യുഎസ് പ്രസിഡന്റായി തെരഞ്ഞെടുക്കപ്പെട്ട ജോ ബൈഡനും വൈസ് പ്രസിഡന്റ് കമല ഹാരിസിനും അഭിനന്ദനങ്ങള് അറിയിക്കുന്നതായും മോദി പറഞ്ഞു. 0
യുഎസ് വൈസ് പ്രസിഡന്റായിരുന്ന കാലത്ത് ഇന്ത്യ-യുഎസ് ബന്ധം ശക്തിപ്പെടുത്താന് ബൈഡന് ചെയ്ത കാര്യങ്ങള് പ്രശംസനീയവും ഏറെ വിലപ്പെട്ടതുമാണ്. ഇനിയും അത് തുടരുമെന്നു മോദി പറഞ്ഞു. ഇതോടൊപ്പം കമല ഹാരിസിന്റെ വിജയം വിജയം അമേരിക്കയിലെ ഇന്ത്യക്കാര്ക്ക് അഭിമാനം നല്കുന്നതാണെന്നും അവര്ക്കും ആശംസകള് നേരുന്നതായും പ്രധാനമന്ത്രി നരേന്ദ്രമോദി കൂട്ടിച്ചേര്ത്തു.
തെരഞ്ഞെടുപ്പില് 77 കാരനായ ജോസഫ് റോബിനെറ്റ് ബൈഡന് ആകെ 284 വോട്ടുകളാണ് ലഭിച്ചത്. പ്രസിഡന്റ് സ്ഥാനം നേടി വിജയമുറപ്പാക്കാന് 270 വോട്ടുകളാണ് വേണ്ടിയിരുന്നത്.
