ചെറുതോണി: പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച് ഗര്ഭിണിയാക്കിയ സഹപാഠിയെ ഇടുക്കി പോലീസ് അറസ്റ്റ് ചെയ്തു. ചെറുതോണി നൈനുകുന്നേല് അബ്ദുള് സമദ് (20) ആണ് അറസ്റ്റിലായത്. ഇരുവരും ഒരേ സ്കൂളില് വിദ്യാര്ത്ഥികളായിരുന്നു.
പീഡനം നടന്ന സമയത്ത് പെണ്കുട്ടിക്ക് പ്രായപൂര്ത്തിയായിരുന്നില്ല. പെണ്കുട്ടി കഴിഞ്ഞ ദിവസം ഇടുക്കി മെഡിക്കല് കോളജ് ആശുപത്രിയില് ആണ്കുഞ്ഞിന് ജന്മം നല്കി. സംഭവം ആശുപത്രി അധികൃതര് പോലീസില് അറിയിക്കുകയായിരുന്നു. അന്വേഷണം നടത്തിയ പോലീസ് യുവാവിനെ പിന്നാലെ പിടികൂടുകയായിരുന്നു. വയറുവേദനയെ തുടര്ന്നാണ് ആശുപത്രിയിലെത്തിക്കുന്നത്. വീട്ടുകാരോട് ഗ്യാസ് പ്രശ്നമാണെന്നാണ് പെണ്കുട്ടി പറഞ്ഞിരുന്നത്. പിന്നീട് പരിശോധനയിലാണ് വീട്ടുകാര് വിവരമറിയുന്നത്. ഇടുക്കി സിഐ ബി. ജയന്റെ നേതൃത്വത്തിലാണ് പ്രതിയെ പിടികൂടിയത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. യുവാവിനെതിരെ പോക്സോ നിയമ പ്രകാരമാണ് കേസെടുത്തിരിക്കുന്നത്.
