കൊച്ചി : സിനിമാ ചിത്രീകരണത്തിനിടെ പരിക്കേറ്റ നടന് ടൊവീനോ തോമസിന്റെ ആരോഗ്യ നില തൃപ്തികരം. താരം ചികിത്സയില് കഴിയുന്ന റിനൈ മെഡിസിറ്റി അധികൃതര് പുറത്തുവിട്ട മെഡിക്കല് ബുള്ളറ്റിനിലാണ് ഇക്കാര്യം വ്യക്കമാക്കിയത്.
നാളെ രാവിലെ 11 മണിവരെ തീവ്ര പരിചരണ വിഭാഗത്തില് നിരീക്ഷണത്തില് തുടരും. തുടര്ന്ന് ആന്ജിയോഗ്രാം ടെസ്റ്റ് നടത്തുമെന്നും മെഡിക്കല് ബുള്ളറ്റിന് പറഞ്ഞു.
പുതിയ ചിത്രമായ ‘കള’യ്ക്കുവേണ്ടി സംഘട്ടന രംഗം ചിത്രീകരിക്കുന്നതിനിടെയാണ് ടൊവീനോയ്ക്ക് പരിക്കേല്ക്കുന്നത്. കഴിഞ്ഞ ദിവസം പിറവത്തുവെച്ച് നടന്ന ഷൂട്ടിങ്ങിനിടെ വയറിന് ചവിട്ടേല്ക്കുകയായിരുന്നു. തുടര്ന്ന് കടുത്ത വയറുവേദന അനുഭവപ്പെടുകയും ആശുപത്രിയില്
ആന്തരികരക്തസ്രാവം ഉണ്ടെന്ന് പരിശോധനയില് കണ്ടെത്തി. ഇതോടെ തീവ്ര പരിചരണ വിഭാഗത്തിലേക്ക് മാറ്റാന് തീരുമാനിക്കുകയായിരുന്നു. രോഹിത് വി.എസ്. ആണ് കള എന്ന ചിത്രത്തിന്റെ സംവിധായകന്. അഡ്വഞ്ചേഴ്സ് ഓഫ് ഓമനക്കുട്ടന്, ഇബിലീസ് എന്നീ ചിത്രങ്ങളിലൂടെ ശ്രദ്ധേയനാണ് രോഹിത് വി എസ്. ചിത്രത്തില് ലാലും ഒരു പ്രധാന കഥാപാത്രത്തെ അവതരിപ്പിക്കുന്നു.
