തൃശൂര്: കൊറോണ ഡ്യൂട്ടി കഴിഞ്ഞ് മടങ്ങുകയായിരുന്ന ആംബുലന്സ് ഡ്രൈവറെ മര്ദ്ധിച്ച സംഭവത്തില് രണ്ട് പേരെ കാട്ടൂര് പോലീസ് അറസ്റ്റ് ചെയ്തു. വെള്ളാനി സ്വദേശി എടതിരിത്തി വീട്ടില് വിജേഷ്, കാറളം സ്വദേശി കണ്ണാംകുളം വീട്ടില് വിഷ്ണുപ്രസാദ് എന്നിവരെയാണ് എസ്ഐ വി.വി. വിമലും സംഘവും അറസ്റ്റ് ചെയ്തത്.
ആംബുലന്സ് ഡ്രൈവറായ കാട്ടൂങ്ങച്ചിറ സ്വദേശി സജീഷിനെ മര്ദ്ദിച്ച കേസിലാണ് അറസ്റ്റ്. തിങ്കളാഴ്ച്ച രാത്രി ഏഴരയോടെ കിഴുത്താണി കുഞ്ഞലികാട്ടില് ക്ഷേത്രത്തിന് സമീപത്ത് വെച്ചായിരുന്നു സംഭവം. ബൈക്കിന് സൈഡ് കൊടുത്തില്ല എന്ന പേരിലുള്ള തര്ക്കത്തെ തുടര്ന്ന് സജീഷിനെ പ്രതികള് ചേര്ന്ന് മര്ദ്ദിക്കുകയായിരുന്നു.
