മമ്മൂട്ടിയുടെ നായികയായി മലയാള സിനിമയില് അരങ്ങേറ്റം കുറിച്ച റീനു മാത്യൂസിന് 52 വയസോ?. ഗൂഗിളിലും സമൂഹമാധ്യമങ്ങളിലും അടുത്തിടെ ഉയര്ന്ന സംശയമാണിത്. ഗൂഗിളില് റീനുവിന് 52 വയസെന്നാണ് കാണിക്കുന്നത്. ഇതാണ് സോഷ്യല് മീഡിയയില് ഇങ്ങനെ ഒരു സംശയം ഉയരാന് കാരണം.
‘രണ്ടു വര്ഷമായി ഗൂഗിള് ജി 52ല് സ്റ്റക്ക് ആണ്’, എന്നായിരുന്നു വയസുകാര്യം തിരക്കിയ ആരാധകരോട് റീനുവിന്റെ മറുപടി. ഇന്സ്റ്റഗ്രാമില് ഇക്കാര്യം താരത്തിന്റെ പോസ്റ്റുകള്ക്ക് താഴെ കമന്റായി ആരാധകര് ചൂണ്ടിക്കാണിക്കുകയും ചെയ്തു. ഗൂഗിള് പറയുന്ന വിവരം തെറ്റാണെന്നു പറഞ്ഞ റീനു തന്റെ പ്രായം ഇതിനും ഒത്തിരി താഴെയാണ് എന്നും വ്യക്തമാക്കി. എന്നാല്, കൃത്യമായ പ്രായം താരം വെളിപ്പെടുത്തിയതുമില്ല.
ലാല് ജോസ് മമ്മൂട്ടിയെ നായകനാക്കി സംവിധാനം ചെയ്ത് ഇമ്മാനുവല് എന്ന സിനിമയിലൂടെയാണ് എയര് ഹോസ്റ്റസ് ആയ റീനു മലയാള സിനിമയില് അരങ്ങേറ്റം കുറിച്ചത്. തുടര്ന്ന് മോഹന്ലാലിനൊപ്പം എന്നും എപ്പോഴും എന്ന സിനിമയിലും അഭിനയിച്ചിട്ടുണ്ട്.
