മൂലമറ്റം: ഇന്നലെ ഉച്ചയോടെ പെയ്ത കനത്ത മഴയിലും കാറ്റിലും മുട്ടം, മൂലമറ്റം, കുളമാവ് പ്രദേശങ്ങളില് വ്യാപക നാശനഷ്ടം. മൂലമറ്റത്തെ ടാക്സി സ്റ്റാന്ഡിനോട് ചേര്ന്ന് നിന്നിരുന്ന മരം ഒടിഞ്ഞു വീണു. കുളമാവ് ഭാഗത്ത് വീശിയടിച്ച ശക്തമായ കാറ്റില് വൈദ്യുതി പോസ്റ്റുകളും മരങ്ങളും നിലംപതിച്ചു. കുളമാവ് കദളിക്കാട്ടില് ഷിജുവിന്റെ ജാതിതോട്ടത്തില് ജാതി വൃക്ഷങ്ങള് കടപുഴകി.
പലയിടത്തും വൈദ്യുതി ബന്ധം നിലച്ചു. മുട്ടം ഇടപ്പള്ളില് വൈദ്യുതി പോസ്റ്റ് റോഡിലേക്ക് മറിഞ്ഞു വീണു. ഇതുവഴിയുള്ള ഗതാഗതം തടസപ്പെട്ടു. പലയിടത്തും കൃഷി നാശം സംഭവിച്ചിട്ടുണ്.
വാഴ തോട്ടങ്ങളില് വ്യാപകമായി നാശനഷ്ടം ഉണ്ടായി. മഴ ശക്തമാകും എന്ന മുന്നറിയിപ്പ് ജില്ലയില് അധികൃതര് പുറപ്പെടുവിച്ചിരുന്നു. മഴയോടൊപ്പം കാറ്റും എത്തിയതാണ് നാശം വിതക്കാന് കാരണം.
