അഞ്ചാലുംമൂട്: പനയം പഞ്ചായത്ത് നിര്മിച്ച പെരുമണ് ദുരന്തസ്മാരകം പൊളിക്കേണ്ടിവരും. പെരുമണ്- പേഴുംതുരുത്ത് പാലം നിര്മാണം ആരംഭിക്കുന്നതോടെ സ്മാരകവും കാത്തിരിപ്പുകേന്ദ്രവും പൂര്ണമായും പൊളിച്ചു നീക്കും. ലക്ഷങ്ങള് ചെലവാക്കി നിര്മിച്ചതാണ് സ്മാരകവും കാത്തിരിപ്പുകേന്ദ്രവും.
പഴയ സ്മാരകം നില്ക്കുന്ന സ്ഥലത്തുതന്നെ പുതുതായി അനുവദിച്ച സ്മാരകം നിര്മിക്കണമെന്നാണ് ആവശ്യം. എന്നാല് അതിന് പുല്ലുവില നല്കിയ ഇടത് അധീനതയിലുള്ള പഞ്ചായത്ത് സമിതി നിര്ദിഷ്ടപാലം കടന്നുപോകുന്ന സ്ഥലത്ത് സ്മാരകം നിര്മിക്കുകയായിരുന്നു. ഇതിനെതിരെ 2013ല് വ്യാപകപ്രതിഷേധം ഉടലെടുത്തിരുന്നു. അതേസമയം ഇപ്പോഴും റെയില്പാലത്തിനോടു ചേര്ന്നുള്ള പഴയ സ്മാരകത്തിലാണ് ദുരന്തത്തില് ജീവന് പൊലിഞ്ഞവരുടെ ഉറ്റവരെത്തി പുഷ്പപാര്ച്ചന നടത്തുന്നത്.
