ഇരിക്കൂര്: കോവിഡ് രോഗബാധയെ തുടര്ന്ന് മരണപ്പെട്ട ബ്ലാത്തൂരിലെ എക്സൈസ് ഉദ്യോഗസ്ഥന് സുനില്കുമാറിന്റെ വീട് ബിജെപി ദേശീയ നിര്വ്വാഹക സമിതിയംഗം പി.കെ. കൃഷ്ണദാസ് സന്ദര്ശിച്ചു. ജില്ലാ പ്രസിഡണ്ട് എന്. ഹരിദാസ്, ജനറല് സെക്രട്ടറി ബിജുഏളക്കുഴി, മണ്ഡലം ജനറല് സെക്രട്ടറി നാരായണന് കൊടോളിപ്രം, പടിയൂര് പഞ്ചായത്ത് പ്രസിഡണ്ട് സുനില്കുമാര്, ബ്ലാത്തൂര് ബൂത്ത് പ്രസിഡണ്ട് രാജഗോപാല്, സെക്രട്ടറി പുരുഷോത്തമന്, തൈവളപ്പില് രവീന്ദ്രന് എന്നിവരും അദ്ദേഹത്തോടൊപ്പം ഉണ്ടായിരുന്നു. സുനില്കുമാറിന് കണ്ണൂര് മെഡിക്കല് കോളേജില് വേണ്ടത്ര ചികിത്സ ലഭിക്കാത്തതാണ് മരണ കാരണമെന്ന് ബന്ധുക്കള് ചൂണ്ടിക്കാട്ടിയിരുന്നു. കൂടാതെ മരണശേഷം ഇയാള്ക്ക് കോവിഡ് രോഗബാധയുണ്ടായിരുന്നില്ലെന്നും കണ്ടെത്തിയിരുന്നു.
















