കല്‍പ്പറ്റ: നിശ്ചയിച്ച പാല്‍ വില നല്‍കാതെ മില്‍മ ക്ഷീര കര്‍ഷകരെ വഞ്ചിക്കുകയാണെന്ന് കിസാന്‍ മോര്‍ച്ച കല്‍പ്പറ്റ മണ്ഡലം കമ്മിറ്റി കുറ്റപ്പെടുത്തി. 35 രൂപയില്‍ താഴെ വില മാതമാണ് കര്‍ഷകര്‍ക്ക് നല്‍കുന്നത്. പാല്‍ വില്‍പ്പന നടത്തുന്നത് 46 മുതല്‍ മുകളിലേക്കുള്ള പല വിലകളിലാണ്.
കൊറോണ പ്രതിസന്ധിയും കാലിത്തീറ്റ തുടങ്ങി ഭക്ഷ്യവസ്തുക്കളുടെ വില വര്‍ദ്ധനവും ക്ഷീരകര്‍ഷകരെ ദുരിതത്തിലാക്കിയിരിക്കുകയാണ്. ഈ അവസരത്തില്‍ നിശ്ചയിച്ചിട്ടുള്ള പാല്‍വില നല്‍കാന്‍ നടപടി സ്വീകരിക്കണമെന്നും ക്ഷീരകര്‍കരെ തൊഴിലുറപ്പ് പദ്ധതിയില്‍ ഉള്‍പ്പെടുത്തണമെന്നും യോഗം ആവശ്യപ്പെട്ടു. മണ്ഡലം പ്രസിഡന്‍റ് ജയരാജന്‍ കുപ്പാടി അദ്ധ്യക്ഷത വഹിച്ചു. ജില്ലാ പ്രസിഡണ്ട് ആരോടരാമചന്ദ്രന്‍ ജനറല്‍ സെക്രട്ടറി ജയന്ത് കുമാര്‍ എം.ബി.നന്ദനന്‍, ഇ.ജി. വേണു കെ. അനന്തന്‍, കുഞ്ഞികൃഷ്ണന്‍, അനൂപ് കെ. രാമന്‍, മനോഹരന്‍ എന്നിവര്‍ സംസാരിച്ചു
