ഇടുക്കി: ജില്ലയില് ഒരാള്ക്ക് കൂടി കൊറോണ സ്ഥിരീകരിച്ചതായി ജില്ലാ കളക്ടര് അറിയിച്ചു. 10ന് ദുബായില് നിന്നും കൊച്ചിയിലെത്തിയ ചക്കുപള്ളം സ്വദേശിയായ 28കാരനാണ് പിടിയിലായത്.
കൊച്ചിയില് നിന്നും കെഎസ്ആര്ടിസിയില് തൊടുപുഴ എത്തി, അവിടുന്ന് ടാക്സിയില് അണക്കരയിലെത്തി കോവിഡ് കെയര് സെന്ററില് നിരീക്ഷണത്തില് ആയിരുന്നു. ദുബായ് എയര്പോര്ട്ട് ജീവനക്കാരനാണ്. ഇതോടെ ജില്ലയിലാകെ രോഗം സ്ഥിരീകരിച്ചവര് 110 ആയി. ഇതില് 61 പേര്ക്ക് ഇതുവരെ രോഗം ഭേദമായി. 49 പേരാണ് ചികിത്സയിലുള്ളത്. ഇന്നലെ മാത്രം രണ്ട് പേര്ക്ക് ഫലം നെഗറ്റീവായിരുന്നു.
1. ജൂണ് 5ന് ഖത്തറില് നിന്നെത്തി 18ന് സ്ഥിരീകരിച്ച അടിമാലി ആനവിരട്ടി സ്വദേശി.
2. മെയ് 22ന് ന്യൂദല്ഹിയില് നിന്നെത്തി ജൂണ് 3ന് കൊറോണ സ്ഥിരീകരിച്ച കാല്വരിമൗണ്ട് സ്വദേശി എന്നിവരാണ് ആശുപത്രി വിട്ടത്.
നിലവില് വീടുകളിലും ആശുപത്രികളിലുമായി 4373 പേര് നിരീക്ഷണത്തിലുണ്ട്. ഇതുവരെ 10171 പേരുടെ സ്രവ സാമ്പിള് പരിശോധനക്ക് അയച്ചു. ഇനി 447 പേരുടെ ഫലം കൂടി ലഭിക്കാനുണ്ട്. ഇന്നലെ 377 പേരുടെ ഫലം വന്നിരുന്നു.
ജന്മഭൂമി ഓണ്ലൈന്