തിരുവനന്തപുരം: സിപിഎം, കോണ്‍ഗ്രസ് ബന്ധം ഉപേക്ഷിച്ച് വെങ്ങാനൂരില്‍ നിരവധിപേര്‍ ബിജെപിയില്‍ ചേര്‍ന്നു. 28 വര്‍ഷം സിപിഎമ്മിന്റെ മെമ്പറും ലോക്കല്‍ കമ്മറ്റി അംഗവുമായ തൊഴിച്ചല്‍ രാമചന്ദ്രന്‍, കോണ്‍ഗ്രസ് നേതാവും മുന്‍ ഡിസിബി മാനേജരുമായ കൃഷ്ണന്‍, കോണ്‍ഗ്രസ് നേതാക്കളും പനങ്ങോട് അംബേദ്ക്കര്‍ ഗ്രാമം വാര്‍ഡുകളിലെ സ്ഥാനാര്‍ഥികളായി മത്സരിച്ച ശുഭകുമാരി, ദിലീപ്കുമാര്‍, മറ്റ് സംഘടനകളില്‍ നിന്നെത്തിയ ഉണ്ണിക്കൃഷ്ണന്‍ നായര്‍, സിന്ധു, ഷീബ എന്നിവരെ ബിജെപി സംസ്ഥാന പ്രസിഡന്റ് കെ. സുരേന്ദ്രന്‍ മെമ്പര്‍ഷിപ്പ് നല്‍കി സ്വീകരിച്ചു.
ജില്ലാ പ്രസിഡന്റ് വി.വി. രാജേഷ്, ജില്ലാ ജനറല്‍ സെക്രട്ടറി വെങ്ങാനൂര്‍ സതീഷ്, മണ്ഡലം പ്രസിഡന്റ് രാജ്‌മോഹന്‍, സംസ്ഥാന സമിതിയംഗങ്ങളായ കെ.എസ്. സാജന്‍, ബി. രാധാകൃഷ്ണന്‍, ദക്ഷിണമേഖലാ ഉപാധ്യക്ഷന്‍ മുക്കംപാലമൂട് ബിജു, ഗ്രാമപഞ്ചായത്ത് പ്രസിഡന്റ് ജി.എസ്. ശ്രീകല, മണ്ഡലം ജനറല്‍ സെക്രട്ടറിമാരായ വെങ്ങാനൂര്‍ അഭിലാഷ്, സമ്പത്ത്, ഒബിസി മോര്‍ച്ച ജില്ലാ പ്രസിഡന്റ് പൂങ്കുളം സതീഷ്, ലാലന്‍, വിഷ്ണു എന്നിവര്‍ പങ്കെടുത്തു.
