ന്യൂദല്‍ഹി: അടുത്ത വര്‍ഷം ഇന്ത്യ ആതിഥേയത്വം വഹിക്കുന്ന ഫിഫ അണ്ടര്‍- 17 വനിത ഫുട്‌ബോള്‍ ടൂര്‍ണമെന്റിന്റെ പുതുക്കിയ ഫിക്‌സ്ച്ചര്‍ പുറത്തിറക്കി. 2021 ഫെബ്രുവരി പതിനേഴ് മുതല്‍ മാര്‍ച്ച് ഏഴുവരെ നടക്കുന്ന ലോകകപ്പിന്റെ ഫൈനല്‍ നവി മുംബൈയില്‍ നടക്കും.
അഞ്ചു നഗരങ്ങളിലായാണ് മത്സരങ്ങള്‍ നടക്കുക. അഹമ്മദാബാദ്, ഭുവനേശ്വര്‍, ഗുവാഹത്തി, കൊല്‍ക്കത്ത, നവി മുംബൈ എന്നീ നഗരങ്ങളിലാണ് മത്സരങ്ങള്‍. ഉദ്ഘാടന മത്സരം ഫെബ്രുവരി 17 ന് ഗുവാഹത്തിയില്‍ നടക്കും. ഫൈനല്‍ മാര്‍ച്ച് ഏഴിന് നവി മുംബൈയില്‍ അരങ്ങേറും.
ഈ വര്‍ഷം ഇന്ത്യയില്‍ നടത്താനിരുന്ന ഈ ലോകകപ്പ് കൊറോണ മഹാമാരിയെ തുടര്‍ന്നാണ് അടുത്ത വര്‍ഷത്തേക്ക് മാറ്റിയത്. 2023 ലെ ഫിഫ വിനതാ ലോകകപ്പ് വേദി ഫിഫ ഇന്ന് പ്രഖ്യാപിക്കും.
പ്രതികരിക്കാൻ ഇവിടെ എഴുതുക: