കോഴിക്കോട്: തപസ്യ കലാസാഹിത്യവേദിയുടെ വനപര്വ്വം പരിപാടിക്ക് തുടക്കമായി. തപസ്യ കോഴിക്കോട് സിറ്റി യൂണിറ്റ് വിത്തു നടല്, വൃക്ഷത്തൈ നടല്, ഔഷധ സസ്യങ്ങള് വച്ചു പിടിപ്പിക്കല് തുടങ്ങിയവ സംഘടിപ്പിച്ചു.
തപസ്യ സംസ്ഥാന ജനറല് സെക്രട്ടറി അനൂപ് കുന്നത്ത് ഉദ്ഘാടനം ചെയ്തു. മേഖലാ പ്രസിഡന്റ് ഗോപി കൂടല്ലൂര്, സംസ്ഥാന ജോയിന്റ് ട്രഷറര് കെ. സച്ചിതാനന്ദന്, പി.പി. ജിഷ, കെ.പി. അഖിലേഷ് എന്നിവര് ചേര്ന്ന് തളി ക്ഷേത്ര പരിസരത്തും സാമൂതിരി ഹൈസ്ക്കൂള് അങ്കണത്തിലൊരുക്കിയ ഔഷധത്തോട്ടങ്ങളിലും വിവിധയിനം തൈകള് നട്ടു. ജൂണ് 22 മുതല് ജൂലൈ 12 വരെയാണ് വനപര്വ്വം സംഘടിപ്പിക്കുന്നത്.
