ശ്രീകൃഷ്ണപുരം: പച്ചക്കറി കയറ്റി വരികയായിരുന്ന ഗുഡ്സ് ഓട്ടോയും ബൈക്കും കുട്ടിയിടിച്ച് ഒരാള് മരിച്ചു. ഗുഡ്സ് ഓട്ടോയില് യാത്ര ചെയ്ത വീരമംഗലം ഒടുവന്കാട്ടില് തറിയക്കുട്ടിയുടെ മകന് അബ്ബാസ് (35) ആണ് മരിച്ചത്.
തിരുവാഴിയോട് ഷാപ്പുംപ്പടി കനാല് പാലത്തിന് സമീപം ഇന്നലെ ഉച്ചക്ക് രണ്ട് മണിക്കാണ് അപകടം. ചെര്പ്പുളശ്ശേരിയില് നിന്ന് പച്ചക്കറി കയറ്റി തിരുവാഴിയോട് ഭാഗത്തേക്ക് വരികയായിരുന്ന ഓട്ടോറിക്ഷയും എതിര്ദിശയില് വന്ന ബൈക്കും തമ്മില് കൂട്ടിയിടിക്കുകയായിരുന്നു.
ഇടിയുടെ ആഘാതത്തില് അബ്ബാസ് ഓട്ടോയില് നിന്നും തെറിച്ച് വീഴുകയായിരുന്നു. ആശുപത്രിയില് എത്തിച്ചെങ്കിലും മരിച്ചു. പരിക്കേറ്റ ബൈക്ക് യാത്രികന് ചികിത്സയിലാണ്.
