കൂറ്റനാട്: പെരിങ്ങോട് സെന്ററിന് സമീപത്തെ ഓവുപാലത്തെ മാലിന്യ പ്രശ്നത്തിന് പരിഹാരം. പെരിങ്ങോട് കൂറ്റനാട് റോഡില് ഓവുപാലത്തിനടുത്തെ തോട്ടിലേക്ക് വ്യാപാര സ്ഥാപനങ്ങളില് നിന്നടക്കമുള്ള മാലിന്യങ്ങള് തള്ളിയത് പ്രദേശവാസികള്ക്ക് ഏറെ ബുദ്ധിമുട്ടുണ്ടാക്കിയിരുന്നു. തോടിനടുത്തെ റോഡിനിരുവശത്തുമുള്ള നെല്പ്പാടങ്ങളിലും മദ്യക്കുപ്പികള് അടക്കമുള്ള മാലിന്യം നിക്ഷേപിച്ചിരുന്നു. പകര്ച്ചവ്യാധി ഭീഷണിയും തെരുവ്നായ ശല്യവും ഇവിടെ രൂക്ഷമാണ്.
ചാലിശ്ശേരി സ്വദേശിയും ബിജെപി പ്രവര്ത്തകനുമായ അരുണ് ചന്ദ് പാലക്കാട്ടിരി ഇത് സംബന്ധിച്ച് മാര്ച്ച് 22ന് ജില്ലാ മജിസ്ട്രേറ്റ്, ഡിഎംഒ (ആരോഗ്യം) എന്നിവര്ക്ക് പരാതി നല്കിയതിനെ തുടര്ന്നാണ് മാലിന്യപ്രശ്നത്തിന് പരിഹാരമായത്.
നാഗലശ്ശേരി പ്രാഥമിക ആരോഗ്യകേന്ദ്രത്തിലെ ഹെല്ത്ത് ഇന്സ്പെക്ടര്മാരുടെ നേതൃത്വത്തില് അന്വേഷണം നടത്തി കുറ്റക്കാരെ പിടികൂടി.
മേലില് ഇത്തരം സാമൂഹ്യവിരുദ്ധ പ്രവൃത്തികള് ചെയ്യില്ലെന്ന സത്യവാങ്മൂലവും ഇവര് ആരോഗ്യവകുപ്പ് ഉദ്യോഗസ്ഥര്ക്ക് രേഖാമൂലം നല്കിയിട്ടുണ്ട്.
