വെള്ളരിക്കുണ്ട്: കേരള ക്ഷേത്ര സംരക്ഷണ സമിതിയുടെ സ്ഥാപക ആചാര്യന് പി.മാധവ്ജിയുടെ 94ാം ജന്മവാര്ഷിക ദിനത്തില് തുടക്കം കുറിച്ച ക്ഷേത്ര ഭദ്രതാ പദ്ധതി 2020 ന്റെ താലൂക്ക് തല ഉദ്ഘാടനം വെള്ളരിക്കുണ്ട് താലൂക്കിലെ മൊടഗ്രാമം ശ്രീ ധര്മ്മശാസ്താ ക്ഷേത്രത്തില് നടത്തി.
കേരള ക്ഷേത്ര സംരക്ഷണ സമിതി ജില്ല കമ്മറ്റി സമാഹരിച്ച പൂജാദ്രവ്യങ്ങള് ക്ഷേത്രത്തിലേക്ക് സമര്പ്പിച്ചു. ചടങ്ങില് ക്ഷേത്ര കാര്യനിര്വ്വാഹണ സമിതി പ്രസിഡന്റെ രാംദാസ് വാഴുന്നവര് അദ്ധ്യക്ഷത വഹിച്ചു. ജില്ല ദേവസ്വം സെക്രട്ടറി പി.വി.കൃഷ്ണന് മാധവ്ജി അനുസ്മരണം നടത്തി. ക്ഷേത്രം മാതൃസമിതി രക്ഷാധികാരി ദേവകി അന്തര്ജ്ജനം ദീപപ്രോജ്ജ്വലനം നടത്തി. ജില്ല സെക്രട്ടറി ടി.രമേശന്, രാജന് പൂതങ്ങാനം, മാവുങ്കാല് കൃഷ്ണന് മണിയാണി തുടങ്ങിയവര് സംബന്ധിച്ചു.
