തൃശൂര്‍ ജില്ലയില്‍ മൂന്ന് കണ്ടെയ്ന്റ്‌മെന്റ് സോണുകള്‍ കൂടി; ആകെ 13

തൃശൂര്‍: ജില്ലയില്‍ മൂന്ന് കണ്ടെയ്ന്‍മെന്റ് സോണുകള്‍ കൂടി പ്രഖ്യാപിച്ചു. ഇതോടെ ജില്ലയില്‍ ആകെ കണ്ടെയ്ന്‍മെന്റ് സോണുകള്‍ 13 ആയി.  അളഗപ്പനഗര്‍ പഞ്ചായത്തിലെ 3, 4 വാര്‍ഡുകള്‍, വെള്ളാങ്കല്ലൂര്‍ പഞ്ചായത്തിലെ 15,16 വാര്‍ഡുകള്‍, തോളൂര്‍ പഞ്ചായത്തിലെ വാര്‍ഡ് 12 എന്നിവയാണ് പുതിയ സോണുകള്‍.വാടാനപ്പള്ളി ഗ്രാമപഞ്ചായത്ത്, ഏങ്ങണ്ടിയൂര്‍ ഗ്രാമപഞ്ചായത്ത്, ചാവക്കാട് നഗരസഭ, തൃശൂര്‍ കോര്‍പറേഷനിലെ 24 മുതല്‍ 34 വരെയുള്ള ഡിവിഷനുകളും 41ാം ഡിവിഷനും ഉള്‍പ്പെട്ട പ്രദേശം, വടക്കേകാട്, അടാട്ട്, അവണൂര്‍, ചേര്‍പ്പ്, തൃക്കൂര്‍ ഗ്രാമപഞ്ചായത്തുകള്‍, ഇരിങ്ങാലക്കുട നഗരസഭയുടെ ഒന്നു മുതല്‍ പത്ത് വരെയും 32 മുതല്‍ 41 വരെയുമുളള വാര്‍ഡുകള്‍ എന്നിവയും കണ്ടൈന്‍മെന്റ് സോണുകളായി നേരത്തെ പ്രഖ്യാപിച്ചിട്ടുണ്ട്.