കടുത്തുരുത്തി: മൂന്നു വയസ്സുകാരിയുടെ അമ്മയും രക്താര്ബുദ ബാധിതയുമായ യുവതി ജീവന് നിലനിര്ത്താന് ഉദാരമതികളുടെ കരുണ തേടുന്നു. കപിക്കാട് ഓലിക്കല് ജിസമോന്റെ ഭാര്യ പ്രിയങ്കയാണ് (26) എറണാകുളം അമൃത ആശുപ്രതിയില് ചികിത്സയിലുള്ളത്.
കാലില് ചെറിയ വേദന തുടങ്ങിയതോടെയാണ് പ്രിയങ്ക ചികിത്സ തേടിയത്. തിരുവനന്തപുരം ആര്സിസിയില് കീമോ ഉള്പ്പെടെ ചികിത്സ നടത്തി. പിന്നീടാണ് കൊച്ചി അമൃത ആശുപത്രിയില് എത്തിയത്. അടിയന്തിരമായി മജ്ജ മാറ്റിവയ്ക്കല് ശസ്ത്രക്രിയ നടത്തിയാലേ ജീവന് നിലനിര്ത്താനാവു. ഇതിനായി 35 ലക്ഷം രൂപ ചെലവാകുമെന്നാണ് ആശുപത്രി അധികൃതര് അറിയിച്ചത്.
ജിമോന് സ്വകാര്യ കമ്പനിയില് ചെറിയൊരു ജോലി ഉണ്ടായിരുന്നു. പ്രിയങ്ക കിടപ്പിലായതോടെ ജോലിക്ക് പോകാന് കഴിയുന്നില്ല. സ്വന്തമായി കിടപ്പാടം പോലുമില്ലാത്ത ജിമോനും പ്രിയങ്കയും കുഞ്ഞും പിതൃസഹോദരന്റെ വീട്ടിലാണ് കഴിയുന്നത്. തുടര് ചികിത്സയ്ക്കായുള്ള ഭീമമായ തുക കണ്ടെത്താന് ജിമോനും പ്രിയങ്കയുടെ കുടുംബത്തിനും കഴിവില്ല.
കടുത്തുരുത്തി പഞ്ചായത്തംഗം സി.പി. പുരുഷോത്തമന്റെയും ജിസിന്റെയും പേരില് കടുത്തുരുത്തി എസ്ബിഐ ശാഖയില് ചികിത്സാ സഹായത്തിനായി അക്കൗണ്ട് തുടങ്ങി. അക്കൗണ്ട് നമ്പര്: 39374315892. ഐഎഫ്എസ്സി കോഡ്: എസ്ബിഐഎന്: 0070427
