കുണ്ടറ: ഗ്യാസ് ഏജന്സി ഡ്രൈവറായ യുവാവിനെ ഒരു സംഘം ആളുകള് ക്രൂരമായി മര്ദ്ദിച്ച് അവശനാക്കി. കോതപുരം സ്വദേശി രാജീവ് ഭവനത്തില് രാജീവനാണ് മര്ദ്ദനമേറ്റത്. ഇന്നലെ വൈകിട്ട് ആറരയോടെ ജോലി കഴിഞ്ഞ് മടങ്ങിവരുമ്പോള് കോതപുരം തലയിണക്കാവിന് സമീപത്തുവച്ചാണ് ആക്രമണമുണ്ടായത്. ക്രൂരമായ മര്ദ്ദനത്തില് അബോധാവസ്ഥയിലായ രാജീവിനെ കൈകാലുകള് ബന്ധിച്ച് വീട്ടില് ഉപേക്ഷിക്കുകയായിരുന്നു.
ഗുരുതരാവസ്ഥയിലായ രാജീവനെ ശാസ്താംകോട്ടയിലെ സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണ്. സംഭവത്തെത്തുടര്ന്ന് നാല് പേരെ ശാസ്താംകോട്ട പോലീസ് പിടികൂടി. മണ്ണൂട്ടു വിളയില് വിനോദ്, രാജീവ്, കിരണ് തുടങ്ങിയവരാണ് അറസ്റ്റിലായത്. ആക്രമണം നടത്തിയത് ഒന്പതംഗ സംഘമായിരുന്നുവെന്നും പോലീസ് പറയുന്നു.
