അടിമാലി: റോഡ് നിര്മ്മാണം നടക്കുന്നതിനിടെ ചെങ്കുത്തായ റോഡില് നിയന്ത്രണം വിട്ട ടോറസ് ലോറി വീടിനു മുകളിലേക്ക് മറിഞ്ഞ് മുറ്റത്ത് നിന്ന വീട്ടുടമക്ക് പരിക്ക്. വീട് ഭാഗീകമായും ലോറി നിശ്ശേഷവും തകര്ന്നു. ആനച്ചാല് ആല്ത്തറയില് നിന്ന് ആഡിറ്റ് റോഡ് ആരംഭിക്കുന്ന ആല്ത്തറയില് നിന്നും കുത്തിറക്കത്തില് നൂറ്റമ്പത് മീറ്ററോളം തെന്നി മാറി റോഡിന് താഴെ സ്ഥിതി ചെയ്യുന്ന പോള്വില്ലയില് സാറ്റോയുടെ വീടിനു സൈഡില് മുകളിലേക്കാണ് മറിഞ്ഞത്.
ടാറിങ്ങിനു മുമ്പായി റോഡില് സ്പ്രേ ചെയ്യുന്ന ദ്രാവകത്തിന്റെ വഴുവഴുപ്പ് മൂലം ബ്രേക്ക് കിട്ടാതെ ഒഴുകി മാറിയതാണ് അപകടകാരണം. ലോറി മറിയുമെന്നായപ്പോള് ഡ്രൈവര് ചാടി രക്ഷപ്പെട്ടു. മുറ്റത്ത് നിന്ന സാറ്റോയുടെ തലയില് മരക്കമ്പടിച്ചും ചൂടുള്ള ടാര് മിക്സ് മുഖത്ത് തെറിച്ചുമാണ് പരിക്കേറ്റത്. സാറ്റോയെ എറണാകുളത്തെ സ്വകാര്യ ആശുപത്രിയില് പ്രവേശിപ്പിച്ചു.
