വണ്ണപ്പുറം: എക്സൈസ് സംഘം നടത്തിയ പരിശോധനയില് വണ്ണപ്പുറം മുണ്ടന്മുടിയില് നിന്ന് എട്ട് ലിറ്റര് വാറ്റുചാരായവും 270 ലിറ്റര് കോടയും വാറ്റുപകരണങ്ങളും പിടികൂടി. കൊച്ചടി വാരത്ത് സണ്ണി എന്നയാളുടെ പേരിലുള്ള പറമ്പിലെ പാറകൂട്ടത്തിന് സമീപത്തുള്ള വാറ്റു കേന്ദ്രമാണ് ഇടുക്കി സ്പെഷ്യല് സ്ക്വാഡ് ഓഫീസ് സര്ക്കിള് ഇന്സ്പെക്ടറും പാര്ട്ടിയും കണ്ടെത്തിയത്.
ഇയാള്ക്കെതിരെ കേസെടുത്തു. സണ്ണി സ്ഥലത്ത് ഇല്ലാത്തതിനാല് അറസ്റ്റ് ചെയ്യാന് സാധിച്ചിട്ടില്ല. അടുപ്പില് ചാരായം വാറ്റുന്നതിനായി കലങ്ങളും ഇല്ലിച്ചട്ടിയും ഉള്പ്പെടെ തയ്യാര് ചെയ്ത നിലയില് ആയിരുന്നു. സണ്ണിയെ 2016ല് 25 ലിറ്റര് ചാരായവുമായി പിടികൂടിയിരുന്നു.
ചെങ്കുത്തായതും എത്തിപ്പെടാന് ദുര്ഘടവുമായ പാറക്കെട്ടുകളോട് കൂടിയ പ്രദേശത്താണ് വാറ്റു കേന്ദ്രം നിന്നിരുന്നത്. പരിശോധനയില് സിഐ റ്റി.എന് സുധീര്, ഉദ്യോഗസ്ഥരായ സജിമോന് കെഡി, സിജു പി.റ്റി, വിശ്വനാഥന് വി.പി, സിജുമോന് കെ.എന്, അഗസ്റ്റിന് തോമസ് എന്നിവര് പങ്കെടുത്തു.
