തിരുവനന്തപുരം: സംസ്ഥാനത്തെ ബസ് ചാര്ജ് വര്ധിപ്പിക്കാന് സര്ക്കാര് തീരുമാനം. പൊതുഗതാഗതം ആരംഭിക്കുമ്പോള് ഇതു പ്രാബല്യത്തില് കൊണ്ടുവരാന് മന്ത്രിസഭാ യോഗം തീരുമാനിച്ചു. സാമൂഹിക അകലം പാലിക്കേണ്ടിവരുന്നതു വരെ ബസ് ചാര്ജ് വര്ധിപ്പിക്കണമെന്ന് ഗതാഗതവകുപ്പ് സര്ക്കാരിനോട് ശുപാര്ശ ചെയ്തിരുന്നു. ബസുടമകളുടെ ഈ ആവശ്യം സര്ക്കാര് അംഗീകരിക്കുയായിരുന്നു. മൂന്നിലൊന്ന് യാത്രക്കാരേ പാടുള്ളു എന്നിരിക്കെ ഒരു ബസ് ഓടിയിരുന്ന സ്ഥാനത്ത് മൂന്ന് ബസുകള് സര്വീസ് നടത്തേണ്ടിവരും. ഒരു ദിവസം 64 ലക്ഷം രൂപയുടെ നഷ്ടമുണ്ടാകും.
ഒന്നുകില് ഈ തുക സര്ക്കാര് നല്കണം. അല്ലെങ്കില് നഷ്ടം നികത്താന് കഴിയുന്ന തരത്തില് ടിക്കറ്റ് ചാര്ജ് കൂട്ടുകയും സംസ്ഥാന സര്ക്കാര് ഈടാക്കുന്ന ഇന്ധന നികുതിയില് ഇളവ് നല്കുകയും വേണം. ഇതിന് പുറമെ റോഡ് നികുതി കൂടി ഒഴിവാക്കണമെന്നാണ് സ്വകാര്യ ബസുടമകളുടെ ആവശ്യം. അല്ലാത്തപക്ഷം ഒരുവര്ഷത്തേക്ക് ബസുകള് ഓടിക്കില്ലെന്നു ബസുടമകള് പറഞ്ഞിരുന്നു.. ഈ സാഹചര്യത്തിലാണ് ചാര്ജ് വര്ധിപ്പിക്കണമെന്ന ആവശ്യം ഗതാഗതവകുപ്പ് സര്ക്കാരിന് മുന്നില് വച്ചത്. എത്ര രൂപയാണ് വര്ധിപ്പിക്കുക എന്നതടക്കം കാര്യങ്ങള് ഉത്തരവായി പുറത്തിറങ്ങും.
