അടിമാലി: പെരിയ കനാല് ബിയല്റാമിന് സമീപം കുളത്താപ്പാറയില് കാട്ടുപോത്തിന്റെ ആക്രമണത്തില് ഏലം കര്ഷകന് മരിച്ചു. തമിഴ്നാട് തേവാരം മീനാക്ഷിപുരം സ്വദേശി മുരുകന് (50) ആണ് മരിച്ചത്. തിങ്കളാഴ്ച വൈകിട്ടോടെ ബിയല് റാമിലെ കടയിലെത്തി സാധനങ്ങള് വാങ്ങി മടങ്ങുന്നതിനിടെയായിരുന്നു അപകടം.
കടയില് നിന്നു വാങ്ങിയ സാധനങ്ങള് ചിന്നിച്ചിതറിക്കിടപ്പുണ്ട്. സംഭവം നടന്നതിന്ന് 10 മീറ്ററോളം അകലെയാണ് മൃതദേഹം കിടന്നിരുന്നത്. ഇന്നലെ രാവിലെ ഏലത്തോട്ടത്തില് പണിക്കെത്തിയ തൊഴിലാളികളാണ് മൃതദേഹം കണ്ടത്.
ദേവികുളം റേഞ്ച് ഓഫീസര് വി.എസ്. സിനില്, ചിന്നക്കനാല് സെക്ഷന് ഫോറസ്റ്റര് പി.ടി. എല്ദോ എന്നിവരുടെയും, ശാന്തന്പാറഎസ്ഐ വിനോദ് കുമാറിന്റെയും നേതൃത്വത്തില് ഇന്ക്വസ്റ്റ് തയാറാക്കിയ ശേഷം മൃതദേഹം പോസ്റ്റ്മോര്ട്ടത്തിനായി അടിമാലി താലൂക്കാശുപത്രിയിലേക്ക് മാറ്റി. നടപടികള് പൂര്ത്തിയാക്കി വൈകിട്ടോടെ മൃതദേഹം ബന്ധുക്കള്ക്ക് വിട്ട് നല്കി. ലോക്ഡൗണ് ആയതിനാല് ഭാര്യയും മകളും തമിഴ്നാട്ടിലായിരുന്നു താമസം.
