ന്യൂദല്ഹി: രാജ്യത്ത് കൊവിഡ് ബാധിതരുടെ എണ്ണത്തില് വന് വര്ധനവുണ്ടാകുന്നതായി റിപ്പോര്ട്ടുകള്. ഇതുവരെ രാജ്യത്ത് രോഗം സ്ഥിരീകരിച്ചത് 11439 പോര്ക്കാണ്. 1306 പേര്ക്ക് രോഗം ഭേദമായെങ്കിലും 377 പേര് ജീവനുകള് പൊലിഞ്ഞു.
അതിനിടെ രാജ്യത്ത് കൊവിഡ് കേസുകള് ക്രമാതീതമായി ഉയരുന്നുവെന്നാണ് ഐസിഎംആര് റിപ്പോര്ട്ട്. പരിശോധനകളുടെ എണ്ണം കൂട്ടാന് വീണ്ടും ശുപാര്ശ നല്കിയിട്ടുണ്ട്. ചൈനയില് നിന്ന് ദ്രുതപരിശോധന കിറ്റുകള് എത്തിത്തുടങ്ങി. 15 ലക്ഷം ദ്രുതപരിശോധന കിറ്റുകള് വാങ്ങാനാണ് ചൈനയുമായി കരാര് ഉണ്ടാക്കിയിരിക്കുന്നത്.
മെയ് മൂന്ന് വരെ ദേശീയ ലോക്ക്ഡൗണ് നീട്ടുന്നതിന്റെ ഭാഗമായി പുതുക്കിയ മാര്ഗ്ഗനിര്ദ്ദേശങ്ങള് കേന്ദ്ര സര്ക്കാര് പുറത്തിറക്കി. ഏപ്രില് ഇരുപതിന് ചില മേഖലകള്ക്ക് ഇളവ് നല്കുന്നതടക്കമുള്ള നിര്ദ്ദേശങ്ങള് നല്കി. ഇന്ന് കേന്ദ്ര മന്ത്രിസഭാ യോഗവും ചേരുന്നുണ്ട്. സാമ്പത്തിക പ്രതിസന്ധിയും മന്ത്രിസഭ ചര്ച്ച ചെയ്യും. ഇതരസംസ്ഥാന തൊഴിലാളികളുടെ പ്രതിഷേധം വിലയിരുത്താന് ആഭ്യന്തരമന്ത്രാലയത്തിലും യോഗം നടക്കും.
