ന്യൂദല്ഹി: കൊറോണ വ്യപനത്തെ പ്രതിരോധിക്കാനായി രാജ്യത്തില് ഏര്പ്പെടുത്തിയ ലോക്ഡൗണ് ഏപ്രില് 14-ന് അവസാനിക്കാനിരിക്കെ ഗതാഗത സംവിധാനങ്ങളായ ഇന്ത്യന് റെയില്വേയും വിമാന കമ്പനികളും ഏപ്രില് 15 മുതലുള്ള ടിക്കറ്റ് ബുക്കിങ് ആരംഭിച്ചു. 21 ദിവസത്തെ ലോക്ഡൗണ് നീട്ടില്ലെന്ന കേന്ദ്ര സര്ക്കാരിന്റെ വിശദീകരണത്തിന് പിന്നാലെയാണ് ഈ തീരുമാനം.
ഇന്ത്യന് റെയില്വേയ്ക്ക് പുറമെ സ്പൈസ്ജെറ്റ്, ഇന്ഡിഗോ, ഗോ എയര് എന്നീ വിമാന കമ്പനികളും ബുക്കിങ് ആരംഭിച്ചത്തായി ദേശീയ മധ്യമ റിപ്പോര്ട്ടില് പറയുന്നു. ഇവര് ആഭ്യന്തര സര്വീസുകളാണ് ഏപ്രില് 15 മുതല് ബുക്കിങിനായി തുറന്നിട്ടിരിക്കുന്നത്. എന്നാല് വിമാനകമ്പനികള് ഇക്കാര്യത്തില് ഔദ്യോഗിക പ്രസ്താവന ഇറക്കിയിട്ടില്ല. ഏപ്രില് 14 വരെ പ്രഖ്യാപിച്ച ലോക്ഡൗണ് നീട്ടുമെന്ന റിപ്പോര്ട്ടുകള് തെറ്റാണെന്നും അത്തരമൊരു പദ്ധതി സര്ക്കാരിനില്ലെന്നും കേന്ദ്ര കാബിനറ്റ് സെക്രട്ടറി കഴിഞ്ഞ ദിവസം വ്യക്തമാക്കി.
