താമരശ്ശേരി: വനമേഖലയില് അനധികൃതമായി വേട്ടക്കിറങ്ങിയ ആറു പേരെ താമരശ്ശേരി റെയ്ഞ്ച് ഫോറസ്റ്റ് ഓഫീസറുടെ നേതൃത്തിലുളള സംഘം അറസ്റ്റുചെയ്തു.
പുതുപ്പാടി കൊളമല വനഭാഗത്ത് വേട്ടക്കിറങ്ങിയ ഉണ്ണികുളം തോട്ടത്തില് മുഹമ്മദ് ജംഷിദ് (28), ചമല് പൂവന്മല സുരേഷ് കുമാര് (ഏഷ്യാനൈറ്റ് സുര-52 ), കട്ടിപ്പാറ കല്ലുവീട്ടില് റഫീഖ്—(46), കട്ടിപ്പാറ പുറായില് ഷെഫീഖ് (32), ഇടുക്കി കോക്കയാര് ടി.ജെ. ജോസഫ് (40), ചമല് പെരിങ്ങോട് ജെയന് (42) എന്നിവരെയാണ് അറസ്റ്റ് ചെയ്തത്. തോക്ക്, കത്തി, തിരകള് മുതലായവ ഇവരില് നിന്ന് പിടിച്ചെടുത്തു.
ഫോറസ്റ്റ് റെയ്ഞ്ച് ഓഫീസര് സുധീര് നെ രോത്ത്, ഫോറസ്റ്റ് ഓഫീസര് പി.ടി. ബിജു, ബീറ്റ് ഓഫീസര്മാരായ സി. ദീപേഷ്, എന്. ബിജേഷ്, എ. ആശിഖ്, കെ.വി. ശ്രീനാഥ്, ഡ്രൈവര് ജിതേഷ്, വാച്ചര്മാരായ പ്രസാദ്, സജീവന്, രവി, ലിജു മോന്, വേലായുധന് എന്നിവര് പരിശോധനാ സംഘത്തിലുണ്ടായിരുന്നു.
