കോഴിക്കോട്: കോവിഡ് 19 വ്യാപനം തടയാനുള്ള പോരാട്ടത്തിൽ കടുത്ത നിബന്ധനകളിൽ കഴിയുന്നവർക്ക് സമാശ്വാസവുമായി ആദ്ധ്യാത്മിക ആചാര്യന്മാരുടെ സ്നഹസാന്നിധ്യം. വീടുകളിൽ നിരീക്ഷണത്തിൽ കഴിയുന്നവർ ഏകാന്തതയിൽ അനുഭവിക്കുന്ന മാനസിക സമ്മർദ്ദങ്ങൾ, സംഘർഷങ്ങൾ പങ്കുവെയ്‌ക്കാൻ സേവാഭാരതിയുടെ മുൻകൈയും.
കോഴിക്കോട്ടെ വിവിധ ആശ്രമങ്ങളിലെ ആദ്ധ്യാത്മിക ആചാര്യന്മാർ സ്നേഹസാന്ത്വനം പരിപാടിയുടെ ഭാഗമാകുന്നു. വീടുകളിൽ ഏകാന്തതയിൽ കഴിയുന്നവർക്ക് അവരുടെ മാനസിക സംഘർഷങ്ങൾക്ക് പരിഹാരം കാണാൻ ആദ്ധ്യാത്മിക ആചാര്യന്മാരെ ഫോണിൽ വിളിക്കാം. കൊളത്തൂർ ആശ്രമം, ചിന്മയാ മിഷൻ, സംബോധ് ഫൗണ്ടേഷൻ തുടങ്ങിയ ആശ്രമങ്ങളാണ് സ്നേഹസാന്ത്വനത്തിന്റെ ഭാഗമാകുന്നത്.
എല്ലാ ദിവസവും വൈകുന്നേരം രണ്ടര മണിമുതൽ മൂന്നര മണി വരെ സ്വാമി അദ്ധ്യാത്മാനന്ദ സരസ്വതിയെ വിളിക്കാവുന്നതാണ്. വിളിക്കേണ്ട നമ്പർ 09745788100. സ്വാമി ജിതാത്മാനന്ദ സരസ്വതിയെ എല്ലാ ദിവസവും വൈകിട്ട് നാല് മണി മുതൽ ആറ് മണി വരെ 09447037366 എന്ന നമ്പറിൽ വിളിക്കാവുന്നതാണ്. സ്വാമി ചിദാനന്ദ പുരിയെ 09846195290 എന്ന നമ്പറിൽ എല്ലാ ദിവസവും വൈകിട്ട് രണ്ടര മണി മുതൽ നാലര മണി വരെ വിളിക്കാവന്നതാണ്.
